آخر أخبار الفنانة شريفة ماهر

قالت الفنانة شريفة ماهر، إنها تملك الجنسية السويدية لكن تفضل الإقامة فى مصر دائمًا وأنها لا تطيق الإقامة هناك، موجها اتهاما كبيرا لأبنائها.

وأضافت شريفة ماهر، فى تصريحات تلفزيونية: "وزعت جزء كبير من ميراثى، وأبنائى الاثنين شتمونى، واحد منهم زقنى مرتين ودراعى اتكسر من 4 سنين، وأخدوا كل اللى حيلتى حتى هدومى".

أزمة شريفة ماهر مع أولادها

وعن ابنتها، قالت شريفة ماهر: "بنتى مش حنينة، وقلبها جامد علىّ، أجمد من إخواتها، دى ما سألتش علىّ، وابنى طول عمره بيحب الفلوس أكتر من أبوه وأمه".

وأشارت الفنانة شريفة ماهر إلى أنها اعتزلت الفن وارتدت الحجاب منذ 45 عاما، وأطلقت عددا من المشروعات العقارية.

وعن ذكرياتها الفنية، قالت: "فى فيلم أعز الحبايب شكرى سرحان ضربنى بالقلم وعينى جابت دم، وما بقتش أشوف كويس، ودلوقتى ابنى استغل الحكاية دى، ومضانى على 4 عقود لأملاكى ما أعرفش فيهم إيه".

وتابعت: "مش هشتكيه.. ربنا هيجيب لى حقى، أبوه قبل ما يموت قال لى هأمَّنك عشان ابنك لما أموت هياخد منك كل حاجة، وفعلا طول عمره بيعبد الفلوس، وما كنتش أتخيل إنه يعمل فىّ كده، ده بقاله 9 شهور ما قاليش انتى فين وده طردنى من شقتى الإيجار، ودلوقتى قاعدة فى عمارة كاتباها باسم بنتى التانية".